Söngskólinn Domus vox var stofnaður haustið 2000 af Margréti J. Pálmadóttur söngkonu og kórstjóra.  Það má segja að sérstaða skólans sé kórastarf stúlkna og kvenna, en einsöngsdeildin, sem ætluð er jafnt körlum og konum fer stöðugt vaxandi.  Skólinn starfar samkvæmt aðalnámskrá og lögum um tónlistarskóla og er styrktur af Reykjavíkurborg.   Domus vox stefnir að því að þjónusta nemendur frá forskólaaldri til fullorðinsára. Öflugt barna- og unglingastarf veitir nemendum nauðsynlega undirstöðu til að taka þátt í söngstarfi, í hópi eða sem einstaklingur.  Allir nemendur fá tækifæri og eru hvattir til sjálfstæðra vinnubragða og að koma fram reglulega innan skólans eða opinberlega.